ក្រុមហ៊ុនផលិតរថយន្តអគ្គិសនីខ្ចីវស្សារ Rivian ដែលគាំទ្រដោយក្រុមហ៊ុន Amazon កំពុងប្រមូលរថយន្ត ស្ទើរតែទាំងអស់ ដើម្បីកែប្រែភាពរលុងរលុង ក្នុងប្រព័ន្ធប៊ូមខាងមុខរថយន្ត។ ការ​ប្រមូល​មក​វិញ​ ​ពាក់ព័ន្ធ​នឹង​រថយន្ត​ភីកអាប់ រថយន្តដឹកទំនិញ និង​រថយន្ត SUV សរុបចំនួន ១២,២១២ គ្រឿង នេះ​បើ​យោង​តាមរបាយការណ៍ ​ដែល​ក្រុមហ៊ុន​បាន​ដាក់​ទៅ​រដ្ឋបាល​សុវត្ថិភាព​ចរាចរណ៍​។

យោងតាមក្រុមហ៊ុន Rivian បានឱ្យដឹងថា ករណីចំនួន 7 ដែលអាចទាក់ទងនឹងបញ្ហានេះត្រូវបានរាយការណ៍ ហើយមិនមានរបាយការណ៍ណាមួយដែលរងរបួសនោះទេ។ អតិថិជន​ដែល​ចាប់​ផ្ដើម​សម្គាល់​ឃើញ​មាន​សំឡេង​រំខាន ឬ​រំញ័រ​ពី​ខាង​មុខ​រថយន្ត​ ត្រូវ​បាន​ណែនាំ​ឱ្យ​ទាក់ទង​ក្រុមហ៊ុន Rivian ជា​បន្ទាន់។ ក្រុមហ៊ុនគ្រោងនឹងបង្កើតសេវាកម្ម “Pop-up” នៅក្នុងតំបន់ដែលមានអតិថិជនច្រើនប្រើប្រាស់រថយន្ត Rivian ។ គម្រោង “Pop-up” មានសមត្ថភាពក្នុងការត្រួតពិនិត្យយានយន្តដែលមានបញ្ហាទាំងអស់ ហើយធ្វើការជួសជុល យ៉ាងយូបំផុតរយៈពេល 30 ថ្ងៃ។ ដោយឡែក តម្លៃនៃការជួសជុល មិនត្រូវបានយកពីអតិថិជន ហើយក៏មិនមានផលប៉ះពាល់ផ្នែកហិរញ្ញវត្ថុដល់ក្រុមហ៊ុនផងដែរ។

ជាក់ស្តែង ​ការ​ប្រមូល​រថយន្តចូលរោងចក្រវិញ​ គឺជា​លើក​ទី​បី​របស់​ក្រុមហ៊ុន​ នេះ​បើ​យោង​តាម ស្ថាប័នវាយតម្លៃសុវត្ថិភាព NHTSA។ ក្រុមហ៊ុនបានប្រមូលរថយន្តប្រហែល 500 គ្រឿងក្នុងខែសីហាសម្រាប់បញ្ហាពោងសុវត្ថិភាព និងរថយន្តប្រហែល 200 គ្រឿងក្នុងខែឧសភាសម្រាប់បញ្ហាទាក់ទងនឹងខ្សែក្រវ៉ាត់កៅអី។

គួរបញ្ជាក់ថា ក្រុមហ៊ុន Rivian បានផលិតរថយន្តអគ្គិសនីជាច្រើនប្រភេទដូចជា R1T, R1S SUV និងរថយន្តដឹកទំនិញអគ្គិសនីសម្រាប់ Amazon ដែលជាអ្នកវិនិយោគធំជាងគេរបស់ក្រុមហ៊ុន។